የኢትዮጵያ ሰብዓዊ መብቶች ኮሚሽን የመንግሥት ጸጥታ ኃይሎች ትናንት በምንሊክ አደባባይ በተከናወነው የታላቁ የአድዋ ድል በዓል አከባበር ወቅት በበዓሉ ታዳሚዎች ላይ በወሰዱት "አላስፈላጊ" እና ከመጠን ያለፈ" የኃይል ርምጃ አንድ ሰው ሞቷል ሲል ዛሬ ባወጣው መግለጫ አስታውቋል። ኮሚሽኑ፣ ጸጥታ ኃይሎች አረጋዊያንና ሕጻናትን ጨምሮ ፍጹም ሰላማዊ በሆነ ሁኔታ በዓሉን ለማክበር በተገኙ ታዳሚዎች ላይ በፈጸሙት ድብደባና በተኮሱት ጥይትና አስለቃሽ ጭስ በርካቶች የአካል ጉዳት ደርሶባቸዋል በማለት ከሷል። ጸጥታ ኃይሎች ዳግማዊ ምንሊክ አደባባይ በሚገኘው ቅዱስ ጊዮርጊስ ቤተክርስቲያን የታደሙ ምዕመናንን ጭምር በኃይል በትነዋል ብሏል።